ചിന്ത.

പങ്കുവെക്കാത്ത
ചിന്തകള്‍,
നനഞ്ഞ പ്രതലത്തില്‍
പ്രതിഫലിക്കുന്ന
പ്രകാശം പോലെ,
പരിമിതമാകും.

മുഖം മറക്കരുത്.
വീണുടയട്ടെ,
തിളങ്ങുന്ന മിഴിമുത്തുകള്‍.

ഉറങ്ങാന്‍.

പതം പറഞ്ഞ്
കരഞ്ഞുറങ്ങാന്‍
മഞ്ഞു പോലൊരു
വിരിമാറ്.

തേഞ്ഞ കൊക്കിനാല്‍
കൊത്തി വലിക്കും
നനഞ്ഞു പോയൊരു
സ്വപ്നം.

മഴ

വെളുത്തൊരു മേഘത്തുണ്ട് തിരയുമ്പോള്‍, മഴേ, എന്തിനാ എന്നിലിങ്ങനെ അനവരതം പൈയ്തൊഴിയുന്നത്?