ആരായിരുന്നു അവർ?

പ്രിയപ്പെട്ട കൂട്ടുകാരി ജയയുടെ കൊണ്ടയൂരിലെ വീട്ടിലേക്കു ഒരുദിവസം വെള്ളിയാഴ്ച ഉച്ചക്ക് സാഹസീക യാത്ര നടത്തി. പോകുമ്പോൾ വേഗം ഓടിയെത്തി. പ്രകൃതി ഭംഗി ഒക്കെ ആസ്വദിച്ചു തിരിച്ചു വരുമ്പോൾ സമയലാഭത്തിനു വേണ്ടി ഒരു വീടിന്റെ വളപ്പിലുടെ നടന്നു. ആ വീടിന്റെ ഉമ്മറത്ത്‌ തേജസ്വുള്ള ഒരു സ്ത്രീ ഇരുന്നിരുന്നു. ''കുട്ട്യോളേ ഇവിടെ വരൂ'' അവർ വിളിച്ചു. അടുത്ത് ചെന്നതും ഞങ്ങളുടെ കൈകൾ കൂട്ടിപ്പിടിച്ച് പറഞ്ഞു, ''നിങ്ങൾ ഇനി എവിടേം പോണ്ടാ ട്ടോ വിടില്ല ഞാൻ'' 

കാര്യത്തിന്റെ ഗൌരവം പിടികിട്ടാൻ ചില നിമിഷങ്ങൾ എടുത്തു. മനസീകാസ്വസ്ത മുണ്ടായിരുന്നു അവർക്ക്. എങ്ങനെയോ പിടിവിടുവിച്ചു ഓടിയതെ ഓർമ്മയുള്ളൂ..തിരിച്ചെത്തിയപ്പോൾ ആദ്യത്തെ പീരീഡ്‌ തീരാറായിരിക്കുന്നു. കുറുപ്പ് മാഷ്‌ കോപം മറച്ചു പിടിച്ച്, ചെറുപുഞ്ചിരിയോടെ ക്ലാസ്സിൽ കയറ്റി.....

ഇന്നും അറിയില്ലാ, ആരായിരുന്നു അവർ?