ചിന്ത.

പങ്കുവെക്കാത്ത
ചിന്തകള്‍,
നനഞ്ഞ പ്രതലത്തില്‍
പ്രതിഫലിക്കുന്ന
പ്രകാശം പോലെ,
പരിമിതമാകും.

മുഖം മറക്കരുത്.
വീണുടയട്ടെ,
തിളങ്ങുന്ന മിഴിമുത്തുകള്‍.

ഉറങ്ങാന്‍.

പതം പറഞ്ഞ്
കരഞ്ഞുറങ്ങാന്‍
മഞ്ഞു പോലൊരു
വിരിമാറ്.

തേഞ്ഞ കൊക്കിനാല്‍
കൊത്തി വലിക്കും
നനഞ്ഞു പോയൊരു
സ്വപ്നം.

മഴ

വെളുത്തൊരു മേഘത്തുണ്ട് തിരയുമ്പോള്‍, മഴേ, എന്തിനാ എന്നിലിങ്ങനെ അനവരതം പൈയ്തൊഴിയുന്നത്?

ഓര്‍മ്മകള്‍.

കാനലിറ്റു വീഴുന്ന
മരപ്പൊത്തില്‍
ഒളിച്ചു വക്കാം,
നിറം മങ്ങാത്ത
ഒരോര്‍മ്മ.
അലഞ്ഞൊഴുകാം
പടവില്ലാത്തൊരു
പുഴ പോലെ.

ചോദ്യം.

അനിഷ്ടങ്ങളെ
സൂക്ഷ്മതയോടെ
അവഗണിക്കുന്ന
വൈദഗ്ധ്യം
ഇഷ്ടത്തിന്‍റെ കോണില്‍
മറച്ചുവച്ച്,
എന്തിനാണീ
പലായനം?

ഓര്‍മ്മ.

എന്തിനാ ഈ ഓര്‍മ്മകളൊക്കെ ഒളിച്ചു വക്കുന്നത്? ചിത്രശലഭമായി പറന്നകലട്ടെ, വീണ്ടും വരുമെന്ന വാഗ്ദാനത്തോടെ........

ചിന്ത.

ചിന്തകള്‍ക്ക്
പറയാതിരിക്കാന്‍
വെമ്പലാണ്‌.
പൂ ചൂടിയ
 മനസ്സ് പോലെ.