പുറകിലാരോ...

ഈ സ്വപ്‌നങ്ങൾ പാതിയും പുലരുമ്പോൾ ഒളിച്ചിരിക്കുന്നതെന്താണ്.

എത്ര ഇടവഴികളിലൂടെയാണ് ഒരു സ്വപ്നാടകയായി ഞാനലഞ്ഞത്.

പിന്നിലാരെങ്കിലും അനുധാവനം ചെയ്തെങ്കിലെന്ന്‌ കൊതിച്ച്

പതിയെ മൂളിയ

ഈരടികൾക്ക്, അക്ഷരങ്ങൾ ഇല്ലായിരുന്നു.

ഞാനൊരു മഞ്ഞച്ചിറകുള്ള കുഞ്ഞിപ്പക്ഷിയല്ല.

എനിക്ക് ചുവന്ന കണ്ണുകളുമില്ല.

പിൻവാങ്ങുന്ന സ്വപ്‌നങ്ങൾ

കൊണ്ടൊരു കല്ലുമാലയണിഞ്ഞ,

നക്ഷത്രങ്ങളെ പ്രണയിക്കുന്ന

നീലനിലാവാണ് ഞാൻ.