Tuesday, August 27, 2013

എന്‍റെ അമ്മ ..............

പൊഴിഞ്ഞു പോയ ഈ മുന്നൂറ്റി അറുപത്തഞ്ചു ദിനങ്ങളില്‍,          ഓര്‍മ്മിക്കാതെ ഒരു പുലരിയിലും ഉണര്‍ന്നിട്ടില്ല. നിറ സാന്നിദ്ധ്യമായി അരൂപിയായി എപ്പോഴും കൂടെയുണ്ടെന്ന് അനുഭവിച്ചറിഞ്ഞു.

നാളെ ആ വാത്സല്യത്തിന് സ്നേഹവും സങ്കടവും ചാലിച്ച തിലോദകം.

എന്‍റെ അമ്മ ..............

Friday, August 23, 2013

നീയെവിടെ?




പാതിയടഞ്ഞ ജാലകമില്ലാത്ത നിലവറയിൽ, പൊൻ വെളിച്ചം നിറക്കാൻ, ഒരു നുള്ള് നിലാവ് കടം ചോദിക്കാൻ ........ നീയെവിടെ?




ഊഞ്ഞാലാട്ടം.



ചേര്‍ത്ത് വച്ച എന്‍റെ സ്വപ്നങ്ങളെ,  ഈ കാറ്റ്, വീശി വീശി ആകെ പടര്‍ത്തുമ്പോള്‍, ആകുലതകളില്ലാതെ എന്‍റെ ഊഞ്ഞാലാട്ടം.

Thursday, August 15, 2013

ചിന്ത

ചിന്ത 

ആവരണങ്ങള്‍ പൊഴിച്ചു കളയുമ്പോള്‍ മുഖശ്രീ ഏറുന്ന ചിന്തകള്‍, സ്വന്തമാക്കാനുള്ള തിടുക്കം. വിഹ്വലതകളുടെ മിടിപ്പുകള്‍ അന്യമാകരുതെ എന്നൊരു പ്രാര്‍ത്ഥനയും. എവിടെ എന്‍റെ മനസ്സ് ?

Thursday, August 1, 2013

മാധുര്യം

മറന്നിട്ടും, പിന്നെയും വിരുന്നെത്തുന്ന ചില ഓർമ്മകളുടെ മാധുര്യം, കാറ്റത്തിളകുന്ന നേരിയ തിരശ്ശീല കൊണ്ട് വിഫലമായി ഒളിച്ചുവക്കാൻ വയ്യെനിക്ക്‌..........

സമസ്യകൾ



തിരുത്തലുകളിൽ
ചില സമസ്യകളുണ്ട്.
മഴയത്തും നനയാത്ത
നെടുവീർപ്പുകളുടെ
സ്പന്ദനം മയങ്ങുന്ന,
നാൽക്കവലകൾ പോലെ.
പരിത്യജിക്കും തോറും
പതിത്വം നഷ്ടമാകുന്ന
മാർഗ്ഗദർശ്ശികളുടെ
ചാഞ്ചല്യരഹിതമായ
പ്രയാണ വേഗങ്ങളിൽ,
അപ്രസക്തമായ
അതിരുകൾ,
ഓർമ്മച്ചിത്രങ്ങളാൽ
നിർവ്വചിക്കപ്പെടുന്നു.