മൈതാനം പോലെ നിറഞ്ഞ
വിരസതയെ സുരക്ഷിതമാക്കാൻ,
മിനുസമുള്ള വേലിയാണ് നല്ലതെന്ന്
ഇത്തിരി മുൻപാണ് വെളിപാടുണ്ടായത്.
ഇടക്കിടക്ക്, ചന്തമേറിയ ചിന്തകളെ
ഒഴുക്കി നിരത്തി ഒന്ന് മിനുക്കിയെടുക്കാനും,
നിർന്നിമേഷഭാവം കൊണ്ട് ചിന്തേരിടാനും
മയങ്ങി വീഴാറായ ഈ സായംകാലം......
മങ്ങിക്കത്തുന്ന ശരരാന്തലുകളിലൊന്നിൻറെ
തെളിഞ്ഞ ചില്ലിന് ഇപ്പോൾ
ഒരപരിചിതൻറെ, മന്ദഹാസത്തിന്റെ നിറവ്.
ഒഴിഞ്ഞ കിളിക്കൂടുപോലെ, ഒരു മനസ്സും
No comments:
Post a Comment