ശീർഷകങ്ങൾക്കു അന്യമായ
എന്തോ നിറഞ്ഞു തൂവുന്നു.
നേരിൻറെ അകത്തളങ്ങളിൽ
വിസ്മയഭരിതമായ ഏകാന്തതയുണ്ട്.
നിസ്സംഗത വിള ക്കി മിനുക്കി,
പ്രാകൃതമായ ശില്പപാടവം
നിശ്ചലം നിരീക്ഷിക്കാം.
കാഞ്ഞ മനസ്സിന്റെ ഉർവരത
അതിരുകൾ ഭേദിക്കുമ്പോൾ,
ഓർമകൾ വിളർത്തിരിക്കുന്നു.
ഉച്ഛസ്ഥായിയിൽ പാടുന്ന വിഹ്വലത
ചിലതിനെ ചുറ്റി പലായനം ചെയ്യുന്നു.
പാതിയടഞ്ഞ മിഴികളിൽ
ഒരു വൃക്ഷം പൂത്തുലഞ്ഞു.
No comments:
Post a Comment