Tuesday, March 29, 2011

പരിമിതി

പരിമിതികളുടെ സമചതുരത്തിന്
പ്രീണനത്തിന്‍റെ ചിന്തേരിട്ടു മിനുക്കി
 നിനക്ക് സമ്മാനിക്കാനാണ്
എനിക്കിപ്പോള്‍ വല്ലാത്ത ഇഷ്ട്ടം.
നടപ്പാതയുടെ മദ്ധ്യത്തില്‍
കരിയില കൊണ്ട് മൂടിവച്ച
ചെറു വൃത്തത്തില്‍
നിന്‍റെ കാല്‍വിരലുകള്‍ പോലും
ചേര്‍ന്നിരിക്കില്ല.
തേങ്ങി കരയുമ്പോള്‍
മുഖം പൊത്തിപ്പിടിക്കാന്‍
തേഞ്ഞു പോയ വിരലുകളും.
ചിത്രങ്ങള്‍ ഒക്കെ ഇനി
മനസ്സില്‍ കോറിയിടാം.
ആകൃതിയില്‍ കാര്യമില്ലെന്നു
വെറുതെ നടിക്കാം.



No comments:

Post a Comment