ജനല്‍പ്പാളികള്‍ പതുക്കെ തുറന്ന്,
ഈ തണുത്ത വെളുപ്പാന്‍ കാലത്ത് ,
അതി മൃദുലമായ ശിഖരങ്ങള്‍ കൊണ്ട് തലോടിയിട്ടും
ഉണരാന്‍ ഇത്ര വൈമുഖ്യമെന്താണ് ?
സ്മരണകളൊക്കെ പൊഴിച്ചു കളഞ്ഞ്,
തളിരിട്ട കിനാവുചൂടി,
പൂവിടാന്‍ വെമ്പിനില്‍ക്കുന്ന എനിക്ക്,
നിന്റെ മനസ്സിന്റെ മോഹനമായ ആ വിഭ്രാന്തിയുടെ
അനുരണനങ്ങള്‍ പങ്കുവക്കണം.
കഥക്കൂട്ടൊഴിയാത്ത ചിന്തകളെ ഏകോപിപ്പിച്ച്,
അദൃശ്യമായ ചുറ്റുമതിലിനുള്ളില്‍ ബന്ധിച്ച്
നൂതനമായ ചിത്രകഥയെഴുതണം.
മുഖങ്ങള്‍ തേടുന്ന ഉടലുകളാവട്ടെ കഥാപാത്രങ്ങള്‍...
No comments:
Post a Comment