വെറുതെ...... നന്നായി വെയിൽ പരന്ന് ഇത്തിരി കഴിഞ്ഞപ്പോൾ, ഞാനെന്നെ കഴുകിത്തുടച്ച പീഠത്തിൽ പിടിച്ചിരുത്തി.കാൽപ്പത്തിക്ക് ചുറ്റും കോലം വരച്ചു.കുറച്ച് പാഠങ്ങൾ ഉരുവിട്ട്, മറന്നുവച്ച നിറമില്ലാത്ത ആടയെടുത്ത് അരയിൽ ചുറ്റി. പിന്നെ ഒറ്റക്കാലിൽ,ആകാശത്തിനും ആഴിക്കുമിടയിൽ, നിലക്കാത്ത നൃത്തം തുടങ്ങി.നീലനിറം വാരിയെടുത്ത് മേലാകെ ചിത്രംവരച്ചു.കുനിഞ്ഞുനോക്കി, ഭംഗിയോടെ ഭൂമിയിൽ നക്ഷത്രങ്ങൾ വിതച്ചു. എത്ര കാത്തിരുന്നിട്ടും ചിറകുകൾ മുളക്കാതെ, ഞാനെന്നെ ഇപ്പോൾ മാച്ചുകളഞ്ഞു.