നിരാശ.

ഒമ്പത് നിറങ്ങളുള്ള പ്രതിഭാസമാണ് നിരാശയെന്ന്, കുറഞ്ഞ നിരീക്ഷണത്തിലാണ് കണ്ടെത്തിയത്.ചിലനിറങ്ങൾ ഒന്നാകാതെ വിഘടിച്ചുനിൽക്കുന്നു.അവക്ക് എന്തോ അറിയിക്കാനുണ്ടത്രേ.എതിർച്ചേരികളാണെങ്കിലും,ചിലപ്പോൾ ഒറ്റനിറമായി തെളിയാറുണ്ടവ. നിറങ്ങൾ തേങ്ങിക്കരയാറുണ്ട്. പൊട്ടിച്ചിരിക്കാറുണ്ട്.മേൽക്കൂരയില്ലാത്ത വീട് പണിയാറുണ്ട്.ചുറ്റും മുള്ളുവേലി കെട്ടാറുണ്ട്.പക്ഷെ കഥകൾ എന്നോട് മാത്രമേ പറയാറുള്ളൂ.കാരണം, ഒരുപാട് അർത്ഥമില്ലാത്ത വെളിപാടുകൾ നിറങ്ങളിൽ ഒളിപ്പിച്ചുവച്ച്‌, നിരാശയെ കാത്തിരിക്കുന്ന നിഴലാണ് ഞാൻ.